6. Cantos libros tiña a biblioteca de al-Hakam?
Al-Hakam II foi o segundo califa Omeia de Córdoba (961-976), sucedendo ao seu pai, Abd al-Rahman III. Foi un gran mecenas das artes e das ciencias, e fundou numerosas escolas públicas.
En Córdoba, creou a biblioteca máis importante de toda a Europa medieval e nela podíanse consultar moitas das obras máis importantes da súa época. Ademais, nos seus obradoiros ensinábase caligrafía, poética, encadernación e gramática.
- Que factores favoreceron a difusión e o desenvolvemento das artes e as ciencias en Al-Andalus?
- Como contribuíron algúns emires e califas ao desenvolvemento cultural e científico de Al-Andalus?
- Cales foron as principais achegas de Al-Andalus ás ciencias e á cultura?
- Que avances técnicos utilizados en Al-Andalus che parecen máis importantes? Por que? Cita algún que chegase ata nós.
- Busca información e explica que actuacións levou a cabo al-Hakam II para o desenvolvemento das artes e da cultura. Cantos libros logrou reunir na súa biblioteca?