7. A arte andalusí
As manifestacións artísticas da cultura islámica están moi vinculadas á relixiosidade e caracterízanse polo predominio da arquitectura sobre as diferentes artes.
A construcción máis representativa é a mesquita, pero tamén se construíron edificacións civís como fortalezas, palacios, zocos, baños públicos e escolas (madrasas).
A prohibición coránica de representar imaxes humanas implicou un escaso desenvolvemento da pintura e da escultura, e o predominio de motivos abstractos e xeométricos. A súa función primordial foi a ornamentación dos muros arquitectónicos.
Os artistas cultivaron distintas artes decorativas, destacando os obxectos de metal, cristal e marfil (vaixelas, xerras, aldrabas...), a marquetería e, sobre todo, a cerámica e o mosaico, decorados cunha enorme variedade de motivos, formas e cores.
Responde as seguintes cuestións:
- Explica cales eran as características da arquitectura andalusí e exemplifícaas nas imaxes.
- Enumera os distintos tipos de arcos e decoración ornamental e describe como eran.
- Que caracteriza cada etapa da arquitectura de Al-Andalus? Cita unha obra de cada una.
Ficha Art @
Coa axuda de Internet, elabora unha ficha sobre a mesquita de Córdoba:
- Identificación. Sitúa cronoloxicamente a obra. Cando e quen iniciou a súa construción? Que sucesivas reformas se fixeron?
- Descrición arquitectónica. Que sala podes ver na fotografía da páxina 41? Describe como son os arcos, as columnas e os chapiteis.
- Relación entre arte e sociedade. Por que a mesquita doi a maior construción da Córdoba andalusí?