1. Como se organizaba a sociedade medieval?
Logo da descomposición do Imperio carolinxio (século IX) espallouse por Europa occidental un novo xeito de organizar e gobernar a sociedade: o feudalismo.
Os monarcas delegáronlles parte do seu poder aos nobres, que se converteron nos seus vasalos. A cambio de fidelidade e axuda militar, os nobres recibían un territorio (feudo) e convertíanse en señores feudais. Para poñer en cultivo estas terras, acolleron nelas campesiños, que a miúdo se converteron en servos.
Vasalaxe, feudo e servidume son os principais conceptos que nos explicarán como se organizaba e funcionaba a sociedade medieval.
Responde as seguintes cuestións:
- Que relación podes establecer entre as invasións dos séculos IX e X e o nacemento do feudalismo?
- Como estaba organizada a sociedade feudal? Que función lle correspondía a cada estamento? Que desigualdades existían entre eles?
