Rodrigo é o único fillo varón dunha familia nobre, que desde pequeno foi educado e adestrado para poder ser investido cabaleiro.

Axiña se poñerá ao servizo dun importante señor, que posúe un castelo e pode manter un numeroso exército. Formará parte da orde de cabalería, unha institución de guerreiros que tiñan como ideais a valentía, a lealdade ao seu señor, a fidelidade á súa dama e a defensa dos máis débiles da sociedade.

Para chegar a ser cabaleiro, Rodrigo deberá adiestrarse duramente e, despois poderá ser armado mediante unha cerimonia moi solemne.

Ao longo da súa vida estará ao servizo do seu señor e coa súa conduta deberá manter sempre a honra que debe caracterizar a un cabaleiro.